شاب خطب بنت عمه << تعالوا شوفوا شنو صار

سبحان من يرزق بتوع الملاييـن
الرازق اللي ما يخيب الرجـا بـه
**
لي عم عنده معـرضٍ للصواليـن
أموت واعرف بس من وين جابـه
**
وإذا سألته قـال بعـت الدكاكيـن
ما يدري إني ما هضمت الإجابـة
**
الشاهد إني رحت له قبـل يوميـن
في قصره العامـر ودقيـت بابـه
**
قال أرحب أرحب عدّد ورد البساتين
يا مرحبا باللـي لفـا يـا هلا بـه
**
قلت البقا عـدّ النفـل والرياحيـن
يا شيخ شمل أهل الكرم والذرابـه
**
قال اسلم الله يحفظك لي من العين
وآمر أوامر حضرتـك مستجابـة
**
قلت الصراحة طالبٍ قرب غاليـن
ودي تزوجنـي كريمتـك يـابـه
**
ثنّى وقال أهليـن والله وسهليـن
والكون ترخص لجل عينك رقابـه
**
لكن ترا عندي شـروط وقوانيـن
قلت اشرط اشرط يا حبيب الغلابـة
**
قال أولاً مهر العروسـة ثمانيـن
غير الرسوم وغير حق العصابـة
**
والثانية عمك يبي منـك سبعيـن
رسم الأبـوّة والنسـب والقرابـة
**
وأم العروسة حقها منـك ستيـن
عشانها ست الحسـن والمهابـة
**
وإخوانها كلن يبي منـك خمسيـن
عداً ونقـداً تنـدرج فـي حسابـه
**
وخواتها الخمس عطهن من ثلاثين
عشان تتوثـق عـروق النسابـة
**
وتجيب طقم عيار واحد وعشرين
وخاتم من الماس المصفى ترابـه
**
وأكياس متروسة كعوب وفساتيـن
ألوانهـا وأشكالهـا مـا تشابـه
**
وموتر بسواقـه وفيـلا بدوريـن
أثاثهـا مـن بطرتـه ينحكـى بـه
**
واحجز لنا قاعة بقصر السلاطيـن
واحجز بهـا رقاصتيـن وربابـه
**
هذي الشروط اللي على بالي الحين
وذكرني اللي ما حسبنـا حسابـه
**
قلت اذكر الله يا عـدو المساكيـن
واستغفـره لا يبتلـيـك بعـذابـه
**
الظاهر إنك منت عارف أنا ميـن
أنا لو أرقى فـوق متـن السحابـه
**
ما جبت حتى نص درزن مواعيـن
واضحك بكيفك واعتبرهـا دعابـة
**
شروطكم هذي شـروط المجانيـن
شروطكم شغـل ابتـزاز ونهابـه
**
شروطكم تقصم ظهـور البعاريـن
شروطكـم همّـن وغـم وكآبـه
**
شروطكم والله سيوف وسكاكيـن
تذبح بنات المجتمع مـع شبابـه
**
وين الرضا والعطف واليسر والليـن
اللي ذكرهـا الله بمحكـم كتابـه
**
وين الصفات اللي أمرنا بها الديـن
وين اختفى نهج النبي والصحابـة
**
يا عم جعل اللي خلقنا من الطيـن
يرد عقلك مـن خطـاه لصوابـه
**
ويجعل نصيبي عند غيرك قل آمين
ويحسن عزا الصابر ويجزل ثوابه
**
قال أنت لو فكرت تفكير صاحيـن
ما شفت في مجمل شروطي غرابه
**
حنا بعصـر العولمـة والمزاييـن
ماهوب عصر الفلسفة والخطابـة
**
الناس تسعى للرتـب والنياشيـن
وأنت اهتمامك بالشعـر والكتابـة
**
والشعر ما ينفعك لو هو دواويـن
ما دام جيبك مثـل بيـت الخرابـة
**
يا بوك لا تسمع كلام المصاخيـن
واسأل مجرب عاش في وسط غابه
**
قلت الله أكبر يا محـرر فلسطيـن
من يسمعك يحسبك ذيـب الذيابـه
**
تراك شايب رأس مالـك رياليـن
والبنت ما تسوى جنـاح الذبابـة
^^^ خربت الأخلاق ^^^ [ندعوك للتسجيل في المنتدى أو التعريف بنفسك لمعاينة هذه الصورة]
**
قال انقلع مالت على وجهك الشين
لا عاد أشوفـك عندنـا يالزلابـه
**
قلت ابشر أبشر لكن الباب من وين
وأقفيت من عنده على صوت بابـه
******
وســـــــلامــــتـــكـــــم
[ندعوك للتسجيل في المنتدى أو التعريف بنفسك لمعاينة هذه الصورة]
منقوله [ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههه

المسكين والله حالته تحزن [ندعوك للتسجيل في المنتدى أو التعريف بنفسك لمعاينة هذه الصورة]

احلى شي وقت كان يدور طريق الباب [ندعوك للتسجيل في المنتدى أو التعريف بنفسك لمعاينة هذه الصورة] <<شر البلية مايضحك [ندعوك للتسجيل في المنتدى أو التعريف بنفسك لمعاينة هذه الصورة]

**

صح الله آإلسس ـآن آإلشش ـآإعر

تسس ـلم يمنــآإكـ ع آإلطـرح آإلح ـلووو

لآهنتـ

**

شاكره لك هالقصيده الظريفه
صح لسان شاعرها .. وربي حالته صعبه [ندعوك للتسجيل في المنتدى أو التعريف بنفسك لمعاينة هذه الصورة]
والأحلى آخر بيت
قلت ابشر أبشر لكن الباب من وين .. وأقفيت من عنده على صوت بابه
الشايب سكر الباب بعنف [ندعوك للتسجيل في المنتدى أو التعريف بنفسك لمعاينة هذه الصورة]

(( حطام انسان

تعجز الكلمات عن وصف روعة ماطرحت
كلمات راقت لي صيغة ابداعها
ربي يسعدك
مودتي