ح ـطـآم آنـسآن
رقم العضوية : 61 تاريخ التسجيل : 15/09/2008 عدد المساهمات : 462 نقاط : 6005 السٌّمعَة : 11 العمر : 36 الدولة : المزاج :
| موضوع: سؤال لكل العزابية الخميس أكتوبر 20, 2011 12:58 am | |
| [ندعوك للتسجيل في المنتدى أو التعريف بنفسك لمعاينة هذه الصورة] مسائكم سعادة وهنا[ندعوك للتسجيل في المنتدى أو التعريف بنفسك لمعاينة هذا الرابط]سؤالي لكل العزابيةهل تنام على بطنك ؟ او تتعبط الوسادة بالليل ؟ او تتعبط اللحاف وتعضه وتتشبث به وانت نايم ..إذا كانت الاجابة بنعم فإن .....كل هذه اعراض مبكرة ورغبة كامنة بالزواج واذا لم تتلاحق نفسك راح يجي اليوم اللي يقول فيه الوالد لك :” الله لا يبارك في الساعة اللي جبنا فيها شغاله “.لذلك عزيزيلا تتخذ قرار الزواج إلا وانت في حالة هدوء تااام بعيدا عن الاثارة والعواطف الجياشه ..مو تشوف فيديو كليب بعدها تنقز لأمك وانت مشبك اصابعك ومميل رقبتك وتقول :( دوروا لي ابي اعرس ) ، ابي اكمل نصف ديني .اولاً : مرحلة ما قبل الزواج :كيف تعرف انك استويت ولم يعد هناك مجال للإنتظار وانه قد حان وقت قطافك من بنت الحلال :1 – إذا تتخيل انك تقول الكلام لوحده .. فاعرف انك ( منتهي )فالحق حالك وشف لك بنت الحلال ، بشرط توافر الشروط الاخرى فيك ( وظيفه مناسبة ، ومبالغ ماليةلمواجهة مصاريف العرس) >>>> التقسيط متاح[ندعوك للتسجيل في المنتدى أو التعريف بنفسك لمعاينة هذه الصورة]2– إذا بديت تقول ما في احسن من قناة الـ إل بي سي والمستقبل ؟ فاعلم اخي الاعزب انك لو انتظرت سنتين ستصدّي صواميل ظهرك وتصير بلا مستقبل.3– إذا بديت تمشى بالسوق وتتمنى ان البنت اللي قدامك يطيح اللي هي شايلته علشان تصدم فيها وتقول( ليمون نعناعه ) فاعرف انك على مشارف انك تكون ( مهبول ) .4 – إذا بديت تعطّر بعطور نسائيه وتقول ما فيها شيء ( العطورات ليست حكرا على احد ) ..فاعرف انك بديت ( استويت ) لذلك اكرب حالك وتزوج.ثانيا : اثناء الخطبة :1 – انضبط وابدأ صل بالمسجد . واجعل المحافظة على الصلاة تحول دائم من الخطبة إلى آخر عمرك.لان اهل البنت يبي يسألون شيبان المسجد ويقولون تعرفون فلان .. لذلك صل وابد ( طلطل ) في وجيه المصلين كأنك تدور اخوانك.2 – لا تتهيبل وتروح تتسلف سيارة زميلك ( الفخمة ) وترزها عند باب اللي انت خاطب منهملأن الخطيبة مصيرها تعرف ان السياره مو سيارتك وبالتالي تطيح من عينها .. بكيفها .. 3 - اثناء الشوفه لا تستحي ابدا وقز البنت من راسها لرجليها ولا يهمك ابوها واخوانها لأن الشرع ( يدعمك ) وان قالوا شيء .. قل لهم حديث الرسول صلى الله عليه وسلم” فلينظر اليها وتنظر اليه فأنه احرى ان يؤدم بينهما “وكما قال الشاعر ( لسان الفتى نصف ونصف فؤاده **** فلم يبق الا صورة اللحم والدمِ )4- في الخطبة ان صار فيه مكالمات بعد ما يوافقون عليك .. فلا تصير لزقة وعلة وكل دقيقة داق على البنت .. ( وينكم فيه ) ؟ وش سويتوا اليوم ؟ ما اشتقتي لي؟ وش تسوين ؟ انت على السرير وإلا في المقلط ؟ << يخرب بيت السؤال ؟5 - لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها بسسسسسسسسس ، وإلا باقي الاثاث اختاره انت وإلا خلها هي اللي تختاره كله ..لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه والوانه كأنها ( ملعب )..كذلك اضبط ميزانيتك على مستوى معين من الأثاث بمعنى … ما تشتري لي لوحه بــ 3000 الاف والكنبات بـ 5000 الاف .. يعني ما فيه توازن وتروح تشتري لوحه ثانية من ( حلة بن دايل ) بــ 20 ريال ، ومن ايكيا بــ 150 ريال .. فيصير بيتك كأنه ( حراج ) من كل بحر قطره.فتصير مثل اللي بيتهم طين وعندهم( رولز رويس ).6 – اياني وياك تظهر بشكل مثالي في الخطبة بل خلك على طبيعتك ، بحيث تقول للبنت هذا اناااا مو تصير حبيّب بالخطبة وصدام بعد الزواج .ثالثا : ليلة الزواج :ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر راسك.. خلك طبيعي ولا تكثر من شرب الشاي والقهوة ليلة العرس بعدين تنتفخ مثانتك ، فتتورط ، لانه صعب إذا رحت جلست مع العروس على ( الكوشه ) .. فجأه تقوم تقول بعد اذنك باروح الحمام … صدقني راح تقول البنت إللي هذا اوله ينعاف تاليه … فلنفرض انك قمت من الكوشه ؟؟ بعد ما تخلص هل بترجع وتجلس مع العروس مره ثانية ؟؟وإلا بتطلع من هناك ؟ بالعربي .. انت بتبلش بلشة ما بعدها بلشةأما إذا رجعت بيقولون الحريم ( جاه اسهال من الخوف من المدام)اجل إذا راحوا الشقة بلحالهم وش بيسوي هالخواف.؟فتصير علك في فم الرايح والجاي وملطشه للصغير والكبير.2 – ليلة العرس ارفق على سيارة الرجال اللي انت متسلفها منه .. لانك ممكن تصدم لانك ما تعودت انك تكون بسياره كشخه وجنبك بنت. 3 -خلك ذوق واسحب يد البنت وحطها على ( القير حق السياره)وحط يدك فوقها ولا تكثر تفغيص يدها لانك بتتهور وممكن يصير لك شيء وإلا يجيك ( شد عضلي )4 - إذا جيتوا تدخلون البيت .. افتح الباب وخلها تدخل قبلك وامزح معها شوي ( خشي برجلك اليمين )وبعد ما تدخلون ( ارقع ) ذيك الزغروته اللي تهز اركان البيت .. ثبت الله اركانك .رابعا ً : سواليف ليلة العرس :الكثير من الشباب في أي المواضيع يطرح ليلة الزواج وبرأيي انه بالامكان طرح مواضيع تتعلق بذكريات الخطوبة .. والابتعاد عن المواضيع الرسمية .. بمعنى تجنب الآتي :1- انتبه تتميلح او تنكت اكثر من اللزوم لان الموضوع سينقلب ضدك وبدال ما تصير وش زينك تصير ( كخا )2 – انتبه تجيب طارئ ( أمك ) ليلة العرس ، وتقعد تقول لبنت الناس من اول ليلة ( انا بصراحه امي أغلى امرأة عندي بالعالم ).. انا امي بصراحه ابيك تشيلينها فوق راسك ، انا امي بصراحه ما ابي احد يزعلها ، انا امي بصراحه مالها غيري .. الله ياخذ بليسك انت وامك لا هالحين امسطك بالعقال3 – امدح مكياج المدام ، وفستان فرحها لانها تعبت شهور حتى تظهر بهذا المظهر اللي انت تتمتع فيه انت وعيونك المغمصه | … حتى لو كنت ( كمخه ) في مواضيع الذوق واللبس ولا تفهم فيها شيء امدح وخلك عباراتك فيها صدق بحيث تكون ( الكذاب الصادق ) .فهذا من شأنه انه يحسس المدام انها جميله بعينك ، ويرفع روحها المعنوية ، ويخليها تهضمك يا ابو كوع اسود4 – انبته ثم انتبه انك تصير عاطفي زيادة عن اللزوم من اول ليلة تقول للبنت ( بصراحه انا احبك وميت فيك ) لانها مؤكد انها مو مصدقتك ( ما امدى بسم الله تحبها ) . فخلك ثقيل وخلي سلوكك هو اللي يقول للبنت اني احبك مو اساليب ( قردنه ) احبك بعدين تقول لها ( وش رايك نلعب عريس وعروسه )؟ترى هالحركات ما تمشي على البنات التاليات .معاني الكلمات : قردنه : محاولة اقناع جاده يتخللها وضع اليد على الكتف مع تــنــزيلالرأس وكأنك بتقول سر للطرف الآخر مع الاتجاه ( لقرنة ) الغرفه.خامسا : ملابس ليلة العرس1 – بعد ما تشلح هندامك خذ دش حار لانه ممكن ريحتك تكون طالعه وانت ما تدري من كثر السلام والقلق اللي عشته يوم الفرح ولا تغتر بالعطر اللى رشيته على حالك والا العطر اللى راشه على الشعرات اللي بصدرك وغازي بيهن الميدان .بعد الانتهاء انتبه تلبس ملابس تظهر مفاتنك المغرضة .. مثلا تجي بكلسون وفانيلة داخلية وتصير كأنك في فيام مصري ايام اسود وابيض .2 – انتبه تصير بدوي وتلبس سروال ابو حبل او بيجامة نوم مخططه فتصير كأنك ( حمار وحش ) يتكلم عربي.اختر اللبس المناسب لجسمك ..مثلا شورتات رياضيه اذا كان جسمك رياضي .. وإلا اذا كنت دب فخلك بالعقال والشماغ والثوب استر لك وغير ملابسك إذا نامت المدام.. وفاجأها في الصباحية .إذا كنت سمين البس ملابس فضفاضة شورت وفانيلة X X X L 3 – للإحاطة فإن قمصان النوم النسائية ( مشققه ) وشفافه وكلها حركات .. انتبه يسول لك ابليسوتقول ( اففف البنت خربانه ) .. من هالحين لبست كذا؟؟ترى الموضة كذاااااا وتطوروا .إذا لبست لك المدام ( قميص نوم راااايق ) ترى مو معناهاااا ( طب عليّ ) .. خلك ثقيل .ترى سمعت بقصه ان واحد طلق الزوجه ليلة الزواج بعد ما شافها لبست له ( لبس مشخلع )..قال الزوج : ما لبست هذا اللبس الا اكيد انها داشره ؟ وحركاتها ما ني متطمن لها << طيب يا كولومبو.سادساً : الخطة المحبوكه للقاء الحميمي :1 – حذاري ثم حذاري وهانانا ذا اقول لك ( حذاري ) .. تتحرش بالبنت جنسيا حتى لو كانت زوجتك .. فكما يقال ( احذر ان تبدأ حياتك الزوجيه بحادث اغتصاب).لان البنت مو معنى انها صارت زوجتك وكتبت هالوريقه يعني انها فصخت الحياء وتبيها تصير لعبة بين ايديك .2 – اجعل بداية حياتك الزوجيه قصة رومانسية متعددة الفصول .. ليلة الزواج تكون بمثابة لقاء بين اثنين للتعارف ما فيه إلا الحديث وإذا كثرت امسك يدها ولا تتعدى لاشياء اخرى ..عسى يدك الكسر ( ممدين ) همااااه .3 – اليوم الثاني انتبه تستقبل أية زيارات من الاهل .. او من اهلها .. واعزمها في مطعم راقِي ولا تسوي فيها غيور عليها.اركد وخلك طبيعي وإلا قالت البنت وش ( هالعويل هذا ).4 – في ليلة اليوم التالي غالبا يكون فيه عشاء عند اهل الولد تعشوا واطلعوا ورح انت وياهااا ( كوفي شوب ) وانتبه تقرأ الجرايد او المجلات , وعطها وقتك كله.5 – اليوم الثالث :حاول تسافر بها ولو ليوم واحد.6 – اللقاء الحميمي لا يمكن تحديد الوقت المناسب له .. بل يعتمد على الظروف والمتغيراتوالتي لا يمكن ان اعرفها فأنت الذي في ارض المعركه ، فحدد أنت الوقت المناسب للغزو لانه لا يمكن يجي احد يحارب عنك .واللي ما يجي اليوم .. يجي بكرا .نقلته لكم من باب الترفيه [ندعوك للتسجيل في المنتدى أو التعريف بنفسك لمعاينة هذه الصورة] | |
|
جريح الصمت
رقم العضوية : 20 تاريخ التسجيل : 10/12/2007 عدد المساهمات : 1441 نقاط : 6954 السٌّمعَة : 52 الدولة : المزاج :
| |